|
رد: في قهوة عالمفرق
راح البلد ما حدا حكى شي
راح الواتس أب العالم كله جن
هي عيشة
اللهم لا نسألك رد القضاء إنا نسألك الطف فيه
من جهتي كنت مقررة أتناول فطور العطلة بمطعم قريب برفقة الفايبروالواتس والجوال إلى آخر ما هُنالك
من تكنولوجيا اتصالات
دخلت المطعم كان زحمة لأنه يوم عطلة، الجو غائم جزئياً، حجزت طاولة إلى جانب النافذة عالطريق العام
وفتحت الموبايل لأواصل اتصالي بالعالم المحيط بي
نسيت الفطور، وغمرني احساس غاضب وملل وقلق وضجر، أوف من نصف ساعة كان الاتصال مُتاح
استعجلت الجرسون بكأس شاي يصحصحني، قلي شاهدتك مشغولة ما حبيت ازعجك
قلت له حصل خير
المهم الخط ما رجع
وهيك ضليت 24 ساعة شي ناقصني اكسجين إضافي
تلوين جديد بحياتي
مو عارفة أوصف شعوري بهديك الساعة، كانت كثير عصيبة
حضر الطعام، تناولته بغصة، وحسرة،ولوعة، إنه لو كان الواتس شغال كان فكري ارتاح
ما كنت عارفة بأنه المشكلة عالمية
طبعا مو متذكرة اللي كنت أتناوله من طعام، لأني كنت أراقب الناس كيف بيقلبو بالأجهزة
وما قادرين يتواصلو مع أي جهة
شي فظيع والله، تهيأ لي أنه ( Taplet)رح نحمله بأيدينا يوم الحشر والعياذ بالله
رجعت عالبيت وكلي قلق، الواتس آب أينو
ثاني يوم عرفت أنه الواتس آب تم بيعه لجهة ثانية تعمل لصيانته
ارتحت وهدي بالي وعقبال يهدى بالكم أنتوا كمان
واليوم رجعت حكيت مع شي حدا عبر الواتس آب والفايبر
والفيس بوك وال وال
وهيك رجع استقر العالم والحمد لله بعودة الواتس آب
أما في سورية الأحوال من أربع سنوات كما هي والعالم مالو دريان بالحال
أيه ياريت الواتس آب سوري
كان انحلت أزمته من سنين
تحيتي
|