|
تكريم امرأة بمناسبة تقاعدها
ف هاذ اليوم لكبير عند لمرة
لمرة الحرة المرمورة
الصبر عندها سالف بكرارة مضفورة
هازة الزمان بيد قادة مقدودة
وف هاذ اللمة المجموعة
لمة لحباب ولصحاب
صحاب لوجوه المبشورة
بينا أخت غالية امسها الزوهرة
هي بذرة من لعطر منثورة
ريحتها غالية و مشهورة
اسمها على كل فم مذكور
مذكورة بالخير
باين ف الذكر والصورة
انت بينا اخت غالية ومحبوبة
ومحبتك دايما
بكل ركن ف هاذ الدار مقرونة
ننساوك محال
وانت غرسة ف اجدر مدقوقة
باقيا معانا ديما
وما تكون ف يوم مقلوعة
عاطينك العهد بالقلب
والعشرة الصافية المحفورة
شاهدة لحيوط على
سنين عشناها
كنا وكنت فيها عصفورة
تجري تغردي فرحانة مبسوطة
بعناية الله انت محروسة
بوالديك كنت بارة
وإن شاء الله عندو انت مبرورة
الله يحميك ويقويك
ويعطيك الصحة
وتعيشي ايام تكوني فيها شجرة متمورة.
إهداء لكل امرأة إسمها " الزوهرة"
نور الأدب (تعليقات الفيسبوك)
|