|
الزجال خالد بوكلة- نبذة وقصيدة
الشاعر الغنائي خالد بوكلا
من مواليد 28/11/1974 بمراكش
1997جائزة احسن قصيدة (عفوا ايتها المدينة)
1998 ديوان زجلي (وجوه) مرقون بعدد من الجرائد
كاتب كلمات مجموعة شهاب الحمراء الغنائية
كاتب عام جمعية مسرح المدينة للفن و الثقافة
زجال و شاعر غنائي منتسب لرابطة الشعر الغنائي بالرباط
صدر له ديوانين زجلي تحت عنوان:
- شي حاجة فوق الجرح- مطبعة وليلي- مراكش- 2006
- الهم لمعاود- مراكش- 2007
قريبا سيصدر له ديوان زجلي آخر ''كناش ليام" الجولة.
شي حاجة فوق الجرح
حالي مغلوب...
و الكاس فوق الطبلة مقلوب
عقلي شارد مني ...
الضحك بالضغط مسلوب
هي مشطونة بالثوب
و نا ف نزاهة لمعاني كندوب
انا نقول هي...
و هي تقول انا...
القنديل من صداعنا متعوب
تقلق لغرام خرج مزروب
و بقينا كورقة فوق الما...
ما يقبلونا لكتوب
ها فين بانت لقلوب
....
الوردة تحت قدام الغير
و زريعة لحبق ف منقار الطير
و نا ضحكي صغير
الرشوق تسرق مني
حبي ما بقى كيغير
ها فين بان لعشير
انا نقول هو...
و هو يقول انا...
الليل من صداعنا صار فقير
تقلق العود رام سهير
و بقينا كجرادة فوق السلك
ما قربات لشعير
....
السلسلة قبالة العين مرمية
و نا شوفتي معمية
صوابي جافر مني فكاري عادت امية
ها فين بانت هي...هي تقول انا
ونا نقول هي...
الشمعة من صداعنا مطفية
نكد العشق بدل السمية
و بقينا كمرسال بلا عنوان...
طريقو مجلية
ها فين بانت ليا
...
شي حاجة فوق الجرح...
فهامة عسرية فالس الطرح
حاجتي ف لغرام ما تلات مقضية.
نور الأدب (تعليقات الفيسبوك)
|