|
رد: في قهوة عالمفرق
أين العروبة، تبحثين عنها،، وهل يعود من واراه الثرى، نذكرها
نستشعر نبضها، لكنها رحلت، والرحيل نهاية المنتهى.
تعالي نشرب القهوة، وما نسمع أخبار
عنا في ماء، وفي كهرباء، وفي كمشة بن وهيل
بس مافي عنا لا رحة بال، ولا وطن
مثل الأول، بحضنه نلتقي، وقهوته الصباحية برفقة شي حدا مارق
عابر سبيل أو جار، صحبة حلوة، وما تخلى القعدة بلا نميمة
هيك نحن بنات حوا
جدران الغربة قاسية، وبردها صيف وشتا
والوفا مالو وجود
القهوة كأنها مجبولة رمل، ومهما شربنا منها لا طعم ولا نكهة
وجبة الغذا، مالها لذة، طاولة الطعام خالية إلا من الصحون، مرصوصة، وعم تستنى ضيوفها
وأنا والغربة، اشتقنا للقمر،، وحده تشرين بيفهم علينا،، البارحة كان القمر سهران برفقتنا
غفيت على ذكرى الوطن، صحتني نسمات تشرينية باردة
دمعة على خدي، غلبتني، ماحدا يعرف مطرحي إلا السما وورق تشرين
وماحدا ينده عليّ ويتذكرني،، الغربة صعبة
ومحمد رشدي يشدو
متى أشوفك ياغايب عن عيني
قتالة الغربة والله وبعادك عن عيني
أبعث مكاتيب، مكتوبة بشوق مننا ياوطن
وبلون الحب رسمنا قلوب فوق المناديل
وحكينا قصصنا وأحوالنا
قولنا لك ايه اللي جرى النا
قولنا لك ياما، متى حا نجي لك مابتردش
متى أشوفك ياوطن
قتالة الفرقة والله وبعادك عن عيني
مع التحية
|