|
السر المدفون
شديت السر
بين يديا
ف اسوايع الليل اللي طوالوا اعليا
ابقيت وحدي انفكر
واش نقدر ولا مانقدر
ابغيت هاذ السر يتستر
وما يجيب حد اخبر
قبل ما يطلع اعليه لفجر
وقبل ما ضو النهار عليه يظهر
شديت السر
كفنتو بالسكات
وبعدما طاوعني الخيط
خيطتو بالشدة
والشدة امزيرة بالسكون
ادفنتو ف قبر مجهول
ف ارض منسية
ترابها مردوم
واحجراها مرمية
دار الزمان
ودارت الدورة
وف ديك الأرض المنسية
وداك لقبر المجهول
كان بركان
التفضح السر
وكان اللي كان
الشدة صبحت فتحة
التحدف السكون
وقالوا شكون صاحب السر اشكون.
نور الأدب (تعليقات الفيسبوك)
|