[المصطفى حرموش]

شحال من عام مطلي بالزين
الصبا فيه تعدات المطامر
السارح ترشح..ترقى في الحين
النعجة والديب..شبعو تصاور

الزكاة...تبحث عل المسكين..
لمقدم والشيخ..دفنوا النواعر
موسم هنا أموسم لهين
المرفودة..ترقص من حر الشواقر

سمع،شوف،أقول يا عين
هدا البراح مول البشاير
عجلة الباشا..ثقبت الودنين
حمار الفقيه..طج مابان ليه آثر

لبكم،نطق تكلم في الحين
لبصير،دردك،لاح النظاظر
المعدوم،فينا ما سالو...دين
زهرو طاح مع الطواكر

خبيرتنا....مشاة مع اللولين
تصبح على خير آمولاي الطاهر