[فتيحة الدرابي]

ما تنفع اندامة

امشيت ما شاورت
ما اخديت ري حد احدايا
درت ريي طحت ف ضايا
وسخها وراني وجهي ف لمرايا
كون كنت نعرف هادي هي النهاية
ما نحط رجلي ف لبداية
صدق لكلام لتولي ف يوم احديت وارواية
تتمنى يرجع الزمان
تصلح كل لخطايا
لكن ازمان يجري
وانت تابعو تحسب ف ليام والشهور ولعوام
هاذا هو ابنادم
كيف انت كيف انا
كيف ولد الخال كيف ولد العم
كلنا ريوس الهم
ما نرتاحوا منو
ما انحطوه حتى يطيح فوقنا الردم.