[عبداللطيف أحمد فؤاد]

ايه جرالك يا شمال سينا
أنتِ معانا و للّا علينا؟
حتحمينا و للا حتقتلينا
مواكب الشُهدا بالآلاف
من غير حرب مع العدو
ليه يا شبابنا النضاف؟
تآمر و تفجير و تدمير
لجيش يصون شعبى الحزين
ما جنوب سينا زى العسل
بتغنى للسعادة و الحب و الأمل
قُرى جنوب سينا زى الشهد
كلها فرحة و حياة و نخل و ورد
2-
و مين قالك الجنة مش النار
ف انتظارك بعد الانتحار
يا راجل ده أنت خربت الديار
و ترملت نسوان و تيتم أوطان
لا لا دى مش نول الشهادة
دى مفتيها ما خدش شهادة
و لا حتى الثانوية الأزهرية
افهم و توب يا قلبى و عينيا
الحياة حلوة قوى و هنية
يا أخى حنجوزك أحلى صبية
بس بلاش أشلاءنا ديا
بلاش الدم و العظام ديا
أو استشهد فى مشروع أو اختراع
وحوش عننا و جع من الأوجاع
3-
شوف بتعمل ايه يا ديِك
أهلك بيندبحو بايديدك
بقى النار و الحرق والموت زى
الجواز و الحب و التدليك
بص أدام عينيك تلاقى عدونا
بيخدعك و إب يضحك عليك
و لو ولاد عمنا دخلوا الاسلام
حتدمر و تفجر مش تقدر ؟
مش أرضي أنك تأذى أى حد
ده احنا ندى كل القلوب ورد
عبداللطيف أحمد فؤاد
18/4/2015