[المصطفى حرموش]

سهران نعد نجوم الليل
حسابي حساب
ديما نْشَيًطْ
الكي كِيًاتْ في الخيل
لحْمير ف جنابي
تْزَعْرطْ..
لهموم غزلتها غزيل،
سْداها راشي..
منججها زَيًطْ..
العلة مْجدرة من زمان.
كيف حال لخليل؟؟
"لا زهر سنيدة..لا فال مْقَرْطَطْ.."
الحال حالنا
شْخيرو تْقيل..
" بطانية غْطاهْ..وزيد عَيًطْ.."
نحرث لَوْطى والكدية..
حماري رفيقي قهرُ المِيلْ
" لا صابة مْتَوْنة..لا نادرْ مْبَلًطْ.."
الهم لابسني بالمقلوب..
مْشَرًبْني الوِيل..
" دقيقُ مْغربلْ..قْوامُ مْشَطًطْ.."
ليلي مْقَيًلْ ناشرْ رجليهْ..
سَرْ السواد غطاه
القد طويل..
مْكحلْ بهمومي وزيد يتْشَرًطْ..
نْساومْ..نْزاوكْ..صْبَحت ذْليلْ..
سعد السعود ..زهري مْحَنًطْ..