|
هـــاكـــا ديـــمـــا
دستورنا
الحساب صابون
الزيادة من راس الحمق
حياتنا كارني وبون
سربيسنا غسيل الفندق,,,
حكومتنا
رئيسها الله كون في العون
عصير الفهامة..جرعة منو تبوق,,
البرلمان
عداب اللي معندو غرون،
هم حمارتنا
في القبة ولداتو ينطق,,,
الميزانية
فينا راهنة ساروت،
مخاصمة الجنون,,
حكومتنا طالبة التسليم
الريع فيها يسرق,,
الصحافة
رابوز لكلام,,حاضن كانون،
جمرو بارد,,حالف ما يتحرق,,
الشوماج
حنا ماليه,,لينا غيرو شكون؟؟
معمر السطولا,,زايد يتدفق
التعليم
دجال مسلح بمجامر ولدون،
ميثاق إصلاحو..
عينو على من تغمق,,,
الفساد
ناوي خزيت,,مسبق العربون،
كابوس طاجينو .خليع مشنق
الصحة
سونا بالبارد والسخون,,
يديها في يد القابلة،
ميمتي,,وليدي تسرق,,,,,
نور الأدب (تعليقات الفيسبوك)
|