[علاء زايد فارس]

مجنورابي والدبور حبيب الشعب!
بقلم علاء زايد فارس




- ألو ، عفواً مين معي ؟


- معك شركة أفق لاستطلاعات الرأي المعتمدة والموثوقة...


- معك مجنورابي، أهلا وسهلاً فيك يا حضرة المعتمدة والموثوقة!


- نحن مكلفين بعمل مسح لآراء المواطنين حول مرشحهم القادم
للانتخابات الرئاسية...


- طبعاً والي مكلفكم حضرة جنابهم!


- لا يا أخي نحن مستقلين، والاستطلاع به سرية تامة...


- يا خوفي تكونوا بتبثوا مباشر لحضرة جنابهم!


- يا أخي خليك واثق فينا البلد فيها ديمقراطية...


- بصدق إنه فيه جراو بتعيش على كوكب أورانوس
ولا بصدق الديمقراطية في البلاد العربية!


- ما علينا، جاوبنا على هذا السؤال من فضلك...
لو أعاد السيد الزعيم ترشيحه للانتخابات القادمة
في منافسة مع السيد فلان
والسيد علان
والسيد الوزير طرزان
والسيد معارض الزعلان
بتنتخب مين فيهم؟


- بدي أسئلك سؤال وجاوبني عليه بصراحة؟


- تفضل!


- لو خيرتك بين عضة كلب مسعور، ولا رفسة حمار موتور
ولا لدغة تعبان محرور، ولا لسعة عقرب مسطول،
ولا قرصة دبور مقهور بتختار مين فيهم؟!!


- خليني مع قرصة الدبور أحسنلي، أقل ما فيها بضمن بنسبة كبيرة إني أضل حي!



- يبقى خليني أنا كمان مع الدبور، واعتبر مجنورابي جدد البيعة للدبور حبيب الشعب المجبور!


م.علاء زايد فارس
26/8/2015م