[ميساء البشيتي]

أحبائي

الله يسعد لي صباحكم

اهلا وسهلا فيكم كلكم

والمثلث الحلو رشيد وسلوى هون

وعلى فكرة ممكن نصير مربع أو خماسي أو سداسي أو سباعي

.... إلى مالانهاية قلبي بيسع الكل

اختي الحبيبة استاذة بوران

من مبارح بدي أرد ومش لاقية الوقت

جراح السفر لسة بتتفتح

لما حكيت عن سفر ناهد ذكرتيني بأخواتي

ودعتهم عشر مرات وكل ما أروح على بيتي يرجعوا يقولوا بدك تسافري

من دون ما تمري ؟

طيب تعالي على الغذاء اليوم وبس ، طيب تعالي على العشاء ،

طيب مري إسهري

وبناتي يترجوا منشان الله يا ماما ما ضل في وقت خلينا نروح عندهم شوي

وفي الآخر قلت ياللا هلأ بنسهر وبنودع وبطلع على المطار لحالي

في المطار تطلعت حوالي لقيت إخواني وأولادهم بيركضوا في المطار

وبعدين اختي بتتصل وبتقول لي شو ما بدك تمري قبل ما تسافري ؟؟؟؟؟؟؟؟؟

يا جماعة عينّي بطل الهم لون من كثر البكاء ارحموني شوي

كل هالسفرة مضيناها بكاء

وكل ما بدي احكي مع واحدة تفتح نفس السيرة

خليكم هون وبلاش تسافروا وكأنه الأمر بإيدي

يعني حاسة حالي هذه المرة يمكن احتاج دهر لأنسى سفرة عمان

وندمت لما عرفت أنهم أخرو المدارس هون لو أخرت الرجعة

لكن حتى لو أخرتها راح نضل خايفين من لحظة السفر

والله ما عدت عارفانه هو احنا اللي بنعمله صح والا غلط

كلنا قاعدين مثل الحزانى وزوجي ايده على خده ويقول لو ضلينا شوي

وطيب وبعدين ايمتى راح نعرف نرجع لطبيعتنا مش عارفة

والله يعين اختي استاذة بوران

وهلأ بدنا نستقبل ناهد بترحيب كبير وما بدنا إياها تضل متأثرة بأجواء السفر

وبدنا نتعاون كلنا نرجع لأجواءنا الطبيعية

وهيك هي الدنيا ما فيها شيء سهل

ويا ناهدددددددددددد

الف أهلا وسهلا فيك ونورتي المنتدى

وانا مشتاقة الك جدا ً جدا ً جدا ً

وان شاء الله راح يكون بيننا تلفون مطول

بحجم كل هذا الأشتياق