احبائي
الله يسعد صباحكم
خلينا نشرب القهوة الصباحية قبل رمضان
ونتكلم في موضوع عزايم رمضان
في هذا الركن بدنا
نستقبلكم في شهر رمضان لكن على الفطور
الفطور مو عليّ لحالي ولو انه بيشرفني
لكن كل مرة واحد فينا بيعزم
يعني مرة انا ومرة سلوى ومرة رشيد ومرة
نصيرة ومرة ناهد ومرة كنان
بس على فكرة اللي حابب يعزم يخبرنا
ويخبرنا ايمتى حتى ما يصير تضارب بالوقت
هذا طبعا إذا الفكرة راقت الكم
وكمان في بعد العزيمة قهوة وحلويات
ودردشة عن الشهر الفضيل
وبرمضان بيحلى الكلام والسهرات
طبعا ً إحنا بنحكي عن جانب معين وبالتأكيد
راح نتكلم عن بعض الطقوس في رمضان كيف بتكون
لأنه هناك طقوس تختلف من بلد لبلد
وهلأ إذا الفكرة عجبتكم خبروني خلينا نشوف
من الشجاع اللي بده يفتتحها
لانه انا أول يوم بكون كتير تعبانة
وانا بانتظار ارائكم
وان ما بدكم قولوا بنسكر الصفحة عادي جدا
مو نعزم الناس وبعدين نبطل
انا في انتظاركم