اخوتي واخواتي الأعزاء في نور الأدب
اسعد الله اوقاتكم بكل خير
ميساء يا غالية اعذريني على التقصير الخارج عن إرادتي
سأكون بالقرب قدر إستطاعتي
طبعاً انا ما بقدر اعزمك الا بنهاية الأسبوع في اجازتي الأسبوعية ، خلال الاسبوع بارجع متأخرة ويادوب بعمل طبخة سريعة على قد الحال
وهلا اتفضلوا اهلاً وسهلاً، البيت بيتكم
حضرت لكم اليوم شراب قمر الدين ، احيانا باضع فيه بعض المكسرات المقشرة مثل اللوز والجوز ، وقطع من التين المجفف والتمر وبنقول عنه خشاف ( منقوع الخشاف وهو وصفة مصرية) بس ما حبيت اعملكم خشاف خفت ما تحبوه تركته شراب فقط.
واللي ما بيحب شراب قمر الدين ، راح اقدمه له شرابي المفضل عصير الليمون بالنعنع كتير منعش
طبعاً ما ننسى التمر ناخده قبل العصير
الأن الشوربة والسلطة
اخترت لكم شوربة الخضار ، خفيفة ومغذية خاصة في شهر رمضان
المقبلات
صحن متبل على كيف كيفكم
وهاي صحن حمص
وما ننسى الفتوش ( سلطة خضراء وعليها قطع الخبز المحمص)
اكيد شبعتوا
لسة في الطبق الرئيسي
مقلوبة باذنجان بموزات الخروف ( أكلة فلسطينية مشهورة )
صحن محاشي مشكلة ( كوسى وبتنجان وورق عنب)
صينية دجاج بالفرن ( للي ما بيحب اللحوم )
بعد كل هالدسم هادا بيلزمنا فنجان قهوة، راح اقدملكم قهوة عربية بالهيل والزعفران ، بتساعد على الهضم بعد الوجبات الدسمة
طبعاً لازم نحلي، مارضيت اكتر حلو ، عملت صينية بسبوسة وفي بيحكولها نمورة أو هريسة
شرفتوني بتلبية دعوتي على الإفطار ، اتمنى ان اراكم مرة اخرى على افطار جديد
ميساء وحشتيني كتييييييييييييييييييير
بكل الحب
سلوى حماد