أحبائي
الله يسعد أوقاتكم
أختي الغالية بوران شما
ألف شكر حبيبتي وإن شاء الله ما تشوفي مكروه بعزيز وهذا حال الدنيا يا عيني والله بيعين
غاليتي سلوى
إن شاء الله العمر إلك ولحبايبك
والله انصدمت لما عرفت الخبر ، هذا المرض اللعين عم يشكل كابوس للكل ، الله يرحم سلفتك ويجعل مثواها الجنة ويصبركم ويرأف بحال أولادها يا رب .
أخي العزيز رشيد
ألف شكر يا رشيد وما تشوف شر ّ
أحبائي بشكركم من كل قلبي وأنا لو ما حاسة إنه إلي أهل وأحبة هون ما بفوت ولا بحكي بس أنا متأكدة أنكم أهلي وناسي وحبايبي وأنا مستحيل أستغني عنكم .
رمضان حرّ كتير هذه السنة وطويل النهار فيه وصادف مع عطلة الكل الي بتنتهي بكره لذلك كان مختلف عندي بعض الشيء لكن بيضل رمضان إله أجواءه وطقوسه الحلوة اللي بنضل نستناها طول العام ، والله أنا حاسة فيك اختي بوران في موضوع العزايم ، والله كنت أدوخ فيها السبع دوخات ولا زلت لكن هون الوضع أخف كتير من كم سنة لأنه كل اللي تعرفنا عليهم سافروا فما ضل إلنا حدا ولكن مش مهم مصيرها تتعدل .
أحنا هلأ عنا ما يسمى ب( القرقاعون ) ما بعرف إذا سلوى وناهد بيعرفوه ، هذا عيد عند إخواننا الشيعة بيحتفلوا فيه في منتصف رمضان وله بهجة كبيرة أكبر من بهجة العيد عنا وأنا بينوبني من الطيب نصيب لأنه أصدقائنا شيعة فبيرسلوا لي هدايا القرقاعون على المنزل ولكن إحتفالات القرقاعون بلشت من الليلة وجامعة بنتي بدأت فيها الأحتفالات وطبعا ً المدارس بيوزعوا فيها هدايا صغيرة فيها ملبس وشوكلا وأشياء زاكية على الجميع بعلب جميلة جدا ً تشبة ( مطبقيات العرايس عنا ) وربما أجمل حسب الأوضاع المادية للمهدين وهذا عدا عن الموائد التي تمد في شوارع البحرين في المناطق التي تقطنها الشيعة وهذه الموائد للجميع .
عادة حلوة ومبهجة وعند السنة بيحتفلوا كمان بما يسمى بالناصفة حيث تمد الموائد في شوارع العاصمة وتبدأ الأحتفالات الجميلة بهذه المناسبة
رمضان هون بيختلف عن بلاد الشام كل بلاد والها عاداتها الحلوة المختلفة وإلها أطباقها المميزة المختلفة .
ورمضان كريم على الجميع