[ميساء البشيتي]

غاليتي استاذة هدى أعزك الله

أولا ً أشكرك من كل قلبي على هذه الخطوة الحلوة والرائدة واللي بتعكس

مدى تفهمك وتذوقكم للكلمة البسيطة العفوية الصادقة .

شكرا ً غاليتي لكرمكم بجعل هذه المساحة الصغيرة والكبيرة في وجودكم

منتدى مستقل يتفرع منه ملفات عديدة

ولأترجم شكري لك ولكم جميعا ً أفتتحت أول ملف الآن

يا ليلة العيد

حتى يكون جاهز من ليلة العيد حتى نستقبلكم فيه

ولا أخفيك كنت مفكرة قبل ما أعرف بفكرة المنتدى بفتح ملف آخر

للترفيه وبفكرة غير شكل لكن لسة مش عارفة بدها جاهزية كتير

ويمكن ما تشوفيني إلا فاتحته بس المشكلة الملف الجديد لازم يضمنا

كلنا لانه بده اشتراك من الكل والا ما بيزبط عشان هيك مترددة فيه .

ثورة على المطبخ

كيف يا غاليتي قولي لي كيف نثور على المطبخ وهذا القلب الحنين جواتنا

بيضل يقول لنا حرام مساكين خليهم يتهنوا بها الشهر الفضيل

بعرف انه على حساب أشياء كتيرة طيب بتصدقيني لو أقول لك امبارح الأمام

بصلاة التراويح اختار سور كبيرة من أول الصلاة لأخرها .. والله كنت حاسة حالي بدي

أوقع من طولي وبدي اقول له منشان الله لكن بنرجع وبنقول احنا مقصرين بنروح

على الصلاة منهكين القوى والسبب انه بنكون طالعين من المطبخ على طول

بالنسبة للأحتفالات في رمضان هون كتير بيحتفلوا بالقرقاعون وهو في منتصف رمضان

لهلأ بتجيني هدايا حلوة بهذه المناسبة هو زي العيد وأكثر كتير كتير بيهتموا فيه هون

أكياس القرقاعون التي توزع جميلة جدا وفيها ذوق وفن كتير وهي بتختلف حسب

وضع الأسر المادي يعني في هدايا بتجيني بتعقد والأشياء اللي جواها كتير زاكية

جلاكسي وما شابه والعائلات البسيطة تعبيء من شيء خاص للقرقاعون

يشبه التسالي عنا وبداخلة ايضا قطع البسكويت والشوكلاته والملبس

وهون بتكون في موائد في الشوارع للكل ، أنا ما جربتها بس هي موجودة

وحلوة كتير لكن في طقوس عنا موجودة في بلاد الشام هون مش موجودة

مثل أفران القطايف والعصائر والحلويات اللي تمتد في الشوارع هون ما بيعرفوها

يعني كل بلد اله عاداته وتقاليده لكن كلها حلوة .

بالنسبة لحلويات العيد راح نستقبلكم في يا ليلة العيد وأظن انه كل واحد

بيقدم حلويات بلاده يعني رشيد ونصيرة لا بد يذوقونا حلويات مغربية

وأحنا معظمنا حلويات شامية كعك وكعمول وبرازق

وللأسف ما في مشاركين من العراق عندهم حلويات زاكية ومختلفة

كان خبرونا عنها ولا في من مصر كمان

اشكرك مرة اخرى غاليتي استاذة هدى وأرحب فيك دائما ً

أحبائي

بالنسبة لسلوى هي مشغولة شوي بشغلها الجديد واول ما يخف الضغط

عنها راح تلتحق فينا وهي مشتاقة الكم كلكم .

ورشيد ما تصلح حاسوبك ؟ طل علينا طمئنا عليك يا رشيد

ونصيرة الحلوة مو مبينة علّه خير يا نصيره

وكنان يا كنان طل علينا وبين يا كنان

والغالية جدا ً على القلب استاذة بوران خليك هون ولا تغيبي

وأنا في انتظاركم دائما ً