[فتيحة الدرابي]

يا ارفيق الحال
اعليك انسول وانسال
يدي ف يدك انواطيوا العقبة
تعالى نبداوا من باب العتبة
بقلب فايض بالمحبة
بالصدق وبصوت عال
انوقفوا للعبة
انقلعوا الشوك
انفتحوا الباب
انفضحوا اللي كان اسباب
ف حبنا وصدقنا حتى ذاب
تعالى خلي لسانا يبوح
الغدار ريحة الغدر منوا تفوح
تعالى انفتحوا لكتاب
انرجعوا كل حبنا اللي غاب
تعالى يارفيق الحال
العيشة بلا بيك محال
انفكوا بزوج خيوط لخبال
اتعالى انصيحوا بصوات عال
حبنا صامد صمود لجبال
ما يقدر يفرقنا حد حتى ف لخيال.

معنى الكلمات
انواطي - تصبح العقبة سهلا يعني ضد العقبة
نخلي = نعطيه فرصة
انفكوا = نصلح
لخبال= الخيوط المشتبكة.