|
كلام البوهالي
من شرجم الهم
بان حالي وسط خيالي
زم يا فمي زم
ما كاين لمن تحكي
احوالي و اهوالي
قطرة من السم
هلكات جوف البوهالي
كلشي يشكي لعدم
هذا حال لي ما عندو والي
المرفح، بالويسكي يهضم
واكل رمضان بالعلالي
شحال يقدك من استغفر الله
يا البوهالي
قالها مول الحرف الحكيم
مفاجي القلوب
ماسح الضيم
طل علي يا مول القلب الرحيم
حل المربط، ارخف الصريمة
راني ف الخيمة مكروف
زحاف و مكفوف
ها العار _ ها العار
طل علي و شوف
واش تقبل تعيش
عيشة الخروف
بلا علف بلا مصروف
هكذاك انا
ملي سماي تغضب
تصيبني غيمة ليام
ينفذ لي الزاد
يتقاضى الحطب
نور الأدب (تعليقات الفيسبوك)
|