|
حالنا واحوالنا
حالنا فريد مأزم
ليلو ظلام ونهارو امظلم
شحال قدنا ما نتحمل
اعذاب وحسرة
زمان طويل علينا اتزمم
قلبنا فايض بالهم والغم
ف كل يوم إيسيل الدم
حالنا اقتل فينا حتى الحلم
حتى ف امنامنا ما بقينا ننعم
بالراحة واحلاوة السلم
ف القرية ولمدينة
تشوف عين الأم
باكية شاكية
يسمعها حتى الصم
يذوب لحديد
ما يذوب ف قلبها الهم
ف نيفها ريحة الدم هي تشم
ارواح تحت التراب
يعفط عليها القدم
يا ابنادم إمتى تفهم
يكفي ما تهدم وتردم
لكبير والصغير فينا إيخمم
ف وضعنا لمدمم
دينا يرفض قتل المسلم
حالنا كثير إيألم
إيسبب ظر ف لبدان ويسمم
إيمتى شملنا يتلم
اسمانا يصفى ما يبقاش امغمم
إيكف الدم ويكون السلم امعمم
إيمتى انصلي ، انتحي وانسلم
بلا ما تكون قنابل وصواريخ
فوق ريوسنا تتكلم
إيمتى إيزول هاذ الظلم
نتحروا وف كل شبر من بلادنا نتحكم
يا ربي يدينا ليك ممدودة
فينا تشوف وتتكرم
يوقف هاد العنف
إيزول الغم
يزول الطوفان
يوقف الدم.
نور الأدب (تعليقات الفيسبوك)
|