|
خالتي زكية
[خالتي زكية ]
شفت أمبارح أمرعجيب
حير عقلي وملاه شخابيط
رحت أشوفه جاتني زكية
نازلة تولول زي صبية
عامله حواية وشايله صينية
بدها صورة من الأموات
قبل ما يصحو ويبقوا فئات
عامله حسابها ونازلة الشات
طلعت تمشي وراحت تصرخ
وبدأت تزعق في الستات
بدنا راجل له شنبات
عنده عزيمة ويقضي حاجات
جاتها جارتها وفتحت بابها
نفشت ريشها وهزت راسها
وحكت جسمها بالجناحات
دارت ولفت في كل جهات
قالت :أما غريبه أمور الدنيا
باسم الدين أصبحنا أداة
يجي الراجل قبل ما يشطح
ينفش ريشه ويبرم شنبه
وأسد وعاتي على الستات
وهو مسجل وله يا روحي
قبل ما نعرف من الأموات
وقفت وقفة وراحت تفرد
ليه ما انفعشي وأبقي حكومة
وأحكم وارسم من غير صورة
قاضي وعدل وعند القوله
وأقدر أعمل وليه مزاج
أقدر أعمل وحكمي ونافذ
بدل الزيطة في الانتخابات
اسألوا جوزي لما بيصحي
ميعرف راسه من رجليه
ولا جارتنا ست نقيه
أو عمنا طاهر وبنته نجاة
مين يحكمنا في البيوتات ؟
لما الراجل كل ما يطلع
ينسي عياله في الطرقات
ينسي أحـــــواله
وياخد الدنيا بالدرعات
كلمة ونص روحي يا شيخه
طالقه تلاته ماليك قعاد
*****
يجي من بره مضمضم بُقه
وراشش وشه بالمبيدات
أو حاطط أحمر قاني
من بنت مصور أبو فتكات
ومعرقص قورته زي مدينة
كل دروبها منحيات
واخد الحبة وسابل اجفونه
قبل ما يقعد يروح في ثبات
مش تبقي جريمة ؟
لو سبناهم يلعبوا بينا
وقعدنا نلالي وافضلنا أداة
واللي خالقنا متكفل بينا
عالم بحـالنا يا ستات
واحده تقولي أو تيجي تنصحني
سايب عياله وطالع يلف
على غندورة بملايه ولف
أو عصفورة عاقصه القورة
طالقه شعرها وناتفه القورة
فوق الركبة وكاشفه العورة
نازلة تهز زي الوز
أما صاحبنا عاجبة الهز
مغرم يا اختي ويحب الرقص
عايز واحدة مثيل صافيناز
*****
خالتي زكية
من يوم ما عرفته مطفش عشتي
أشكي لأبوي يقول معلهشي
أشكي لأمي توجع كبدي
وتفضل تبكي
وتخر عينيها ونفسها تحكي
أشوف أحوالها أصبر نفسي
أصّبِرْ نفسي واقعد اغني
وأدعي المولي يصلح بعلي
امكن يرجع ويقر بحبي
ويعيش معانا ويبقي فى كنفي
ويربي عياله ويحصد بذره
بدل ما يسيبه يموت في عوده
ويطلم خده ويظلم أمه
ويقول زرعه وماتت
ولازم تربي
أدي حكايتي
بقلم : سيد يوسف مرسي
نور الأدب (تعليقات الفيسبوك)
|