الأحباط
الله يسعد لي صباحكم كلكم
استاذة بوران الله يسعد هالطلة
اليوم فنجان قهوة وحكي من صماصيم القلب
فش خلقك عا المزبوط
انا بدي احكي كل شيء واللي فيكم حاب يحكي ينسى انا هون ويحكي
اصلا الحكي هبة من رب العالمين مش اي واحد بيملكه
انا ليش محبطة ؟؟؟؟؟؟؟؟؟؟؟
اسباب كتيرة بتخلي الانسان محبط او بالاحرى احنا ما بدنا نحكي عن الأنسان
انا بدي احكي عن نفسي عن ميساء ليش محبطة ؟؟؟
وانتم احكوا عن اسمائكم انتم ليش محبطين ؟؟؟
خيبة الأمل
لما بتوضع أملك بانسان وبتكون تفكره انه ملاك وبتكتشف انه غير ما كنت انت ظانن
بتلوم نفسك وبتثقل عليها وبتحاسبها ليش تغلط هيك غلطة وتضع ثقتها بهيك انسان ؟؟؟
لما بتتكرر خيبات الأمل وبتصير قاعد تستنى مين اللي جاي عليه الدور حتى يخيب أملك فيه ؟؟؟
حسابات غلط
في امور وعادة أغلب الأمور بنحسب لها ونحنا في ريعان الشباب والواحد فينا ان مال على الحيط بيهده
لكن بعد مرور الزمن بيكتشف انها حسابات غلط وثمنها كبييييييييييييييييير كيف بده يدفعه ؟؟؟
فقدان الأمل بالحياة
لما نصير نشوف الموت هو نعمة ... هو الحل ... هروب من الحياة
طول عمرنا بنخاف من الموت لكن بتجد نفسك في لحظات بتتمناه وانه أقدامك تكاد تسابق الريح إله
فقدان الأصدقاء والأحبة فجأة
تكتشف حالك في لحظة صفيت وحيد ... نعم بتستغفر ربك وبتحمده ولكن انت وحيد
وكل اللي موجود ما بيعوض واللي راح ما بيرجع
بكفي هلقد أحكي انا واحكوا انتو اذا بتحبو