[خولة السعيد]

( مقتطق من " الحب في زمن كوفيد 19")
وْقْفْتْ مقابلاكْ بْعْقْلي حايْر
نْسْأْلْكْ شْحالْ مْخْبّْعْ مْنْ سْرايرْ؟
شحال فْعْماقْكْ مْنْ كْنُوزْ وْ جْوَاهْر؟ْ
شحال من واحْد وْقْفْ بْحالي قْدَّامْكْ؟
وْكُلّْ هْمُّو وْ سْرارو حْكالْكْ؟
وَاشْ قْدّكْ ماتْجمْع يا بْحْرْ؟
عْلَا داكْشِّي انت هايْجْ؟ !
علا داكشي عْلاوْ المّاجْ
مْزِييُّنِين ثورتك كِيف التاج
عليك الهم زايد كْثْرْ
وْاللّي ما حْسّْ بيكْ وْ قَالْ: انت متكبر ومتجبر
راه يا الحبيب هو اللي خْسْرْ
خْسْرْ راحة ما يْلْقاها إلا وهو يْتْأْمّْلْ
لْحْدّْ دْيالْكْ اللي مالو حدّ
يا سْعْداتي وانا قْدّامْكْ
خُوذْني يا بْحْرْ.. خوذني لْعْنْدْكْ
حْمْلْنِي عْلى امواجْكْ
هاجْر بيا وْخلْيني نْعُومْ فْماكْ
خْليني نْغُوص فْعْماقْكْ
خليني نْطْهّْرْ روحي فيك
ادّيني يا بحر وْمْعاكْ خليني"