[خولة السعيد]

وأنقل نص " يا بحر" بعد أن صار زجلا بفضلك أستاذ محمد الصالح؛ على أن يتم تعديله لاحقا في " الحب في زمن الكوفيد19"

وْقْفْتْ مقابلاكْ بْعْقْلي حايْر
نْسْأْلْكْ شْحالْ مْخْبّْعْ مْنْ سْرايرْ؟
شحال فْعْماقْكْ مْنْ كْنُوزْ وْ جْوَاهْر؟
شحال وقف بحالي قبالك
بكل همو وسرارو حكالك
وشكون يجمع بداخلو بحالك؟
عْلَا داكْشِّي موجك هَاجْ !
علا داكشي عْلا ومَاجْ
مْزِييُّنِين ثورتك كِيف التّاجْ
عليك الهم زايد كْثْرْ
وْاللّي ما حْسّْ بيكْ وْ قَالْ:
انت كثير متكبر متجبّرْ
راه يا الحبيب هو اللي خْسْرْ
خْسْرْ راحة ما يْلْقاها عندكْ
إلا اللّي يْتْأْمّْلْ جزرك ومدّكْ
لْحْدّْ دْيالْكْ؟ ماعرفتْ حدّكْ !
يا سْعْداتي واناواقفَه قْدّامْكْ !
خُوذْني يا بْحْرْ.. خوذني لْعْنْدْكْ
حْمْلْنِي عْلى بساطْ امواجْكْ
هاجْر بيا خْليني نْغُوص فْعْماقْكْ
ونْطْهّْرْ روحي فيك خلّيني
وادّيني يا بحر وْمْعاكْ خليني