|
رد: حلف زاجلي _ مصري مغربي
وانمحت أغلى وأجمل ذكريات مدونة
واتجددت فيا الأهات
ناديت بصوت على اللي فات
لأني كنت مصدقاه
وباللي فيه أنا مؤمنة ..
رحلت حروفها
وروحت أجمل ضيوفها
أنا كنت حاسه كتير بخوفها
ومقدره ف وهن ظروفها
أنا كنت بحبها لروحي آويه
وبحب فيها روح بزاوية
كنت بيها مزمنة
لو يرجع بيا الزمان ل اضمها ،
واخبي ما فيها جويا
وأقولهم أنا امها
أنا اللي في صدري حملتها
وعل الورق ولدتها
وبعز الليل والسواد
هتف فيا اسمها فندهتها
يا شمس روح متلونه
ياما تعبت شكيتلها ، وحكيتلها
عن حزني ، وجمال فرحتي
عن دمعتي ، كل اما أقرب
أو أغيب ، كانت عليا مهونه ..
بعد الدموع ما غرقت فيا الحنين
قومت استعوضت ربنا
ف قلب خبيت فيه جروحي
وحب أبويا وحب تاني
حبة معاني ،
كانت بتوصفني أنا
كان فيها أسراري وأماني
خبيتها عن كل البشر
وكشفتها لمدونة .
|