|
ف حادث سكات ....
سألت : قالوا :
ف حادث سكات
الشعر مات
يا مولفين الحروف
الشعر مش كلمات
الشعر روح تحيي جمال
في القلب مات
تحيي ضمير الخير
جوا ضمير الحياة
يا مولفين الحروف
الشعر مش أبيات
الشعر قص النبض
مش ابتداع حكايات
والنبض صدقو حي
لو أصبح ذكريات
ما تحركوش كل الحروف
وتقولو حية المميوات
والشعر مالو غسل
ولا للميت صلوات
مصرحوش يندفن
ممنوع من الجنازات
فحنوا على جثتو
وانشروا الصدق اللي مات
الشعر حرفو صدق
لو تايه في السكات
في روحو لا تفرطوا
فتنقبض روح اللغات
نور الأدب (تعليقات الفيسبوك)
|