[مرمريوسف]

مفيش مانع !!
**********
مفيش مانع
إنك تحاول " إنك تفكر " إنك تقرر
إنك تحس " إنك تعاتب " إنك تبرر
إنك تسيب روحك تبعد عنك وبعدين عليها تدور
إنك تقف ف المنتصف لا بتبعد ولابتقرب
إنك تعاني بصمت " إنك تضحك بصوت
إنك تبقى عادي " وتقنع الناس انك مبسوط
إنك بركان جليد " ورق وعامل حديد
إنك في اللمه وحيد
إنك تسعى لحلم بيضيع من إيديك
إنك تمسك في حاجه غاليه عليك
إنك تمشي طريق من غير نهايه
إنك ناسي أصلا ايه البدايه
إن ردك شيء ممتاز
إنك تلعن الاحساس
انك في الزحمه فاضي
انك في الشده راضي
انك تحب الظلمه وهي شيء مخيف
انك اقوى حد ضعيف
انك مع نفسك قاسي
ومع الناس منبع حنان
انك احياناً جبان
انك ملخبط انك تعيس
انك رافع للعالم شعار
"ابتسم .. وكن سعيد "
مفيش مانع
تكون بنى أدم حياته بيبص عليها من شيش
تموت بصمت وبصوتك قادر تعيش
ــــــــــــــــــــــــــــــــــــــــــــــــــ ــــــــــ
بقلم ياسمين السخاوى