[ميساء البشيتي]

يا جماعة اعذروني انا مش قادرة افوت واحكي معكم واتواصل كما ينبغي

انا مذهولة جدا ...عدة امور عم تذهلني كل شوي

اللي بيصير في غزة مجزرة بشعة ما حصلت ايام التتار

لكن اللي بيذهلني اكثر موقف من يسمى برئيس مصر ووزير خارجيته ابو الغيط

عم اشعر حالي بمسرحية هزلية من بطولة حسني مبارك وابو الغيط

لكنها مسرحية ما بتضحك بل بتقزز البدن

بلغ فيهم التهريج والإستخفاف بعقول كل العالم هذه الأحاديث اللي كل شوي

بنشوفهم عم يزودونا فيها

ابو الغيط امس بيدلي باعتراف خطير بيقول مبارك بيعرف بانه اسرائيل

راح تضرب غزة قبل 3 ايام فقام وقال لرفيقه في المهزلة

روح جيب لي الست دي ليفني حتى احذرها او امنعها من ضرب غزة

حكي رئيس اكبر دولة عربية لوزير خارجيته في تعقيب على اعنف

هجوم بربري شنته اسرائيل

الست دي ليفني ارتعدت مفاصلها من تأنيب حسني مبارك لها وحلفت مليون عظيم

ما بتعيدها وانها راح تسمع كلام الريس وما تطلع عنه

تهريج وقمة الفضيحة وقمة العيب

مبارك انت متورط مع باقي المتورطين ومش خايف وعم تعلنها على الملأ

شو داعي للتهريج والمسخرة اذا

وانا من فترة طويلة بتساءل بقرارة نفسي كيف الأزهر بيطلع عنه هيك فتاوى

سيئة ومشينة وعيب اصلا ان تظهر على الشاشات

امس لعرفت انه مش الأزهر بس الراس الكبيرة كلها مهرجة

للأسف اكبر دولة عربية واعرق دولة على مدى التاريخ كله يرأسها زمرة مهرجين

لا حول ولا قوة الا بالله

وكان الله في عون اشقاءنا المصريين على عظيم بلواهم

والله يجيرنا اذا تحكم هؤلاء المهرجين والسفهاء فينا وفي مصير الأمة العربية