|
خيوط الكلام
ما بين زفرة و تنهيدة
نسجت خيوط لكلام
رتبت بيات لقصيدة
و شهرت سيوف النظام
الحرقة عندي جديدة
مصرفها على ليام
و العيشة حارة شديدة
براني وسط لقوام
لكن طبيعتي عنيدة
ما نرضاشي بلحكام
اللي حسبتو خشبة سنيدة
لقيتو ولد لحرام
سكنتو فالقلب و لكبيدة
و طعني طعنة بلحسام
حسبوني ناري خميدة
حسبوني مرقة بلا يدام
دارو يدهم فلعصيدة
عضو الصبعان بالندام
حسن الحاجبي
نور الأدب (تعليقات الفيسبوك)
|