[ميساء البشيتي]

احبائي

ما بعرف ليش الصور ما عم تطلع معنا يا ريت الأدارة تساعدنا

الصور مهمة جدا في العرض

عزيزاتي الاستاذة بوران والاستاذة ناهد

الله يعطيكم الف عافية

حابة لو ببين معنا قرى الشمال من قرى الجنوب وكمان من قرى مناطق ال48

وطبعا هون يمكن صعب نتكلم عن اللهجات يعني بعرف انه اللهجات عنا متنوعة مثلا قرى الشمال تختلف

عن الجنوب وكمان الأزياء وهي الأثواب كمان تختلف كل قرية تميز من ثوبها

وانا بعرف انه الثوب الفلاحي الفلسطيني سعره مرتفع جدا لأنه بينشغل يدوي ( التطريز ) وكتير ناس هنا في البحرين

بيسالوني عنه وعن كيف بنميز هذه الأثواب عن بعضها وكمان أظن انه عندنا إختلاف بأغاني الأعراس

كل منطقة إلها أغانيها اللي بتعرف فيها وبتعرف انه هذا العرس لمناطق القدس وهذا لمناطق الخليل وهكذا

هو الأختلاف مو كتير كبير لكن كل منطقة الها شيء يميزها وهذا شيء حلو كتير وما بدنا اياه يندثر

مع الغربة والشتات واختلاف اللهجات بدنا تضل اللهجات الأصلية معروفة

وما بعرف بالضبط اذا العادات والتقاليد بتختلف من منطقة لأخرى بس هو هذا الإختلاف بيعطي جمالية للموضوع

وأنا اعتقد انه عنا أقلام من معظم القرى الفلسطينية عنا سلوى من حمامة واستاذ خيري من دير شرف

وعبدالله الخطيب ما بعرف بالضبط من اي قرية يا ريت ينضموا النا ويشاركونا ويحكوا لنا شوي عن قراهم

حتى يصير تفاعل كبير واذا في ناس مثل عليا من الداخل يحكوا لنا عن قراهم احنا حابين نربط المعلومة

بأرض الواقع ونجسدها بحيث نشم ريحة بلادنا ونكون دخلنا ولو لبعض الوقت بين ثناياها

واذا في ناس بيحبوا يحكو شو الأكلات المشهورة لكل بلد او الحلويات لانه احنا حابين نحي كل القرى والمدن الفلسطينية

وتصير معروفة بكل جمالياتها وتنتقل بكل حذافيرها للأجيال وللاحبة اللي من خارج فلسطين

ومثل رشيد ونصيرة الهم حصة بالقدس لما نوصل الها في حارة اسمها حارة المغاربة بنحكي عنها بوقتها ان امكن

في اشياء واشياء بتطلع بالبال وبتفح النفس على الحكي والنقاش والتفاعل يا ريت الكل يعيش معنا هذه اللحظة

احنا بدنا نحي فلسطين في ذاكرة الكل عشان هيك كلكم معنيين بالمشاركة والاستاذة ناهد وبوران ما راح يخلوا

اي استفسار او تساؤل الا ويحاولوا يجاوبوا عليه بس لازم نتفاعل وهذا اهم موضوع نتفاعل معه ونحييه من جديد

بتمنى من الكل يقوت ويقرأ ويشارك واحنا بحاجة لأي معلومة وهذا اقل واجب تجاه فلسطين عليكم

استاذة بوران واستاذة ناهد

فعلا هبتكم هبة نشميات أصيلات والروح الحلوة فيكم حركت كل مشاعر الحنين فينا خلونا نضل عايشين بهذه الأجواء

قدر المستطاع نحاول نتنفس هواء فلسطين ولو من على ورق

وفي انتظاركم