[ميساء البشيتي]

يا جماعة

وينكم بسأل عنكم ؟

يعني قديه خطرتوا على بالي في هذه الفترة

كنت لوحدي بالبيت وبنتي فجأة طلع ببالها تعمل عيد ميلاد وتلم لي الجامعة كلها

وبنتي التانية قالت اه وانا كمان بجيب صحباتي وبنتي اللي بالمدرسة قامت وبدون وعي تعزم لي صاحباتها

واجوني بالليل بناتي قال ماما قومي بكرة اعملي عيد ميلاد جايين صاحباتنا

حوالي 12 صنف اللي عملتهم من الساعة عشرة الصبح للساعة خمسة المغرب غير اللي انجابوا من بره

وعند الساعة خمسة ونصف المغرب قالت لي بنتي ماما كل اللي عزمتهم ما حدا لهلأ رد علي

معقول ما يجيوا ؟؟؟؟؟؟؟؟؟؟؟؟؟؟؟؟؟

تطلعت في المطبخ نظرة وفي حالي نظرة تانية وخفت أحكي أي كلمة تولع طوشة

بعد شوي بلشت حرب الأعصاب هذه تتصل وتقول انا لسة بالطريق وهذه تقول انا بعتذر

وانا اغلي في جواتي وساكتة لأشوف أخرتها وبعدين وعينكم ما تشوف الا النور

البحرين كلها صارت بالبيت عندي وكانوا عاملين مقلب ما يحكوا لفداء عشان يفاجئوها

وضلوا للساعة 11 ونصف وانا اقول يا ربي ايمتى يروحوا وهم ما بدهم يروحوا

واحدة امورة اجت قالت لي خالة يا خالة شو رأيك تتبنيني ؟

قلت الها يا خالة انا اللي عندي بدي أخلص منهن مش لما اتبناك وعلى كل حال بتبناك ليش لأ

لكن بشرط اوعك تطلبي حفلة عيد ميلاد !

يعني يا سلوى ويا نصيرة شاطرين هون تسألوني بتحبي المطبق بجوز وقرفة والا بتحبي البقلاوة

ما كان تعالوا هناك ساعدوني شوي بدل ما انا قاعدة براسي بنط بين الحلل والصواني

محرومين من القهوة لشهر عقاب الكم

انتو اللي عليكم القهوة كل يوم ، يوم سلوى ويوم نصيرة

اما انا بدي ارتاح ارتاح لشهر من التعب اللي تعبته

وعلى فكرة رشيد

انا مش بس هون بعمل قهوة الله وكيلك صاحبات بناتي بيجوا خصيصي عشان اعمل لهم قهوة

شكلي يا رشيد بالاخر بدي افتح لي مشروع صغير هيك اعمل فيه قهوة وصدقني يا رشيد

الا أسقيك قهوة ببلاش

على فكرة سلوى اجاني اقتراح وهذا اكثر من مرة انه نعمل اكل فلسطيني ؟

انا ما بحب المطبخ انت شو رأيك ؟

اكيد ما بتحبي المطبخ مثلي وعلى كل حال انا بحب المطبق على جوز وقرفة

وقحمشي الي اياه كتير سلوى وكتري القطر الله يسعدك

وبالنسبة لنصيرة حبيبتي انا عندي بقلاوة ابعث الك شوي ما منيح انت تشتهي البقلاوة هلأ

ههههههههههههههههههههه

احبتي

اشتقت الكم جدا ولكن مرة الجاي عن جد وبدون مزح لازم تساعدوا نتفة

ودمتم احبتي وعامرة بحسكم