عزيزتي استاذة بوران
عزيزتي استاذة ناهد
بصراحة ثنائي بيعقد انتوا
الله يسلم ايديكم على هالجهد الرائع والمتميز
وطبعا ما بيفوتني اشكر اخوتنا نصيرة ورشيد المتابعين مئة بالمئة للموسوعة
وكذلك بشكر استاذتنا كلنا الأديبة هدى ومداخلاتها الرائعة والقيمة
طبعا في احبة كتير ما شاركونا الردود لكنهم شاركونا القراءة وممكن فيما بعد ينضموا النا
لسه الجلسة بأولها ولسه عنا حكي كتير
بتعرفوا حبيباتي ناهد وبوران مع حفظ الألقاب
حابة نحكي عن رام الله شو رايكم
رام الله انا بعرفها زمان كانت حلوة كتير وكنا نروح فيها على منتزة رام الله
كان حلو كتير بس ما بعرف رام الله ضلت حلوة والا شو صارت احوالها
كل ما بسمع اغنية وين عا رام الله بتذكرها
وكمان كتير بحب لو نحكي عن عكا واسوار عكا حتى يعرف العالم انه اسوار عكا هزمت نابليون
قبل ما اسوار غزة تهزم اسرائيل وانه نحنا بلادنا بتحمي حالها من كل المغتصبين
الله كريم بترجع البلاد وبنرجع بس لو رجعنا بتيجوا بتزوروني بالقدس والا انا اجي على صفد
والا قولكم استاذة هدى بتعزمنا على حيفا والا سلوى بتشدد الا على حمامة بالأول
شيء بحير فعلا بس على الأغلب راح نشرب القهوة محل ما كنت العب زمان
في ساحات الحرم واكيد انها راح تستقبلني وتستقبل كل حبايبي معي
الله يعطيكم الصحة والعافية ويبارك فيكم