مرحبا أحبتي
مع أني أعاني من التهاب اللوزتين وحرارة مرتفعة قليلا ً
ألا أني أرغب بتناول القهوة خاصة أني تناولت قطعة من الدونت اللذيذة
أثناء ذهابي للطبيب قبل قليل
أرحب بجميع الأحبة وأدعوهم لسهرة على قهوة وكيك لأنه زمان ما اجتمعنا
سلوى موجودة بس يا ريت تلتحق فينا وتطمننا عن أخبارها
ناهد أظن أنها على سفر ان شاء الله بالسلامة يا ناهد وان شاء الله تطمئني
على الأحبة وتطمنينا على الأستاذة بوران وكيف عاملة صحتها
وبالنسبة لفريال والأحباط ما عارفة شو بدي أقول لك يا فريال لكن خطرت لي فكرة
الآن وهي ان نعمل جميعنا حلقة بحيث تتشابك أيدينا ولا نترك أي فجوة
في هذه الحلقة ترى هل يستطيع الأحباط ان يتسلل الينا ؟
خلونا نجرب نبتدي الحلقة ونشبك ايدينا ونصفي قلوبنا ونفتح رئتينا لنسمات
هواء جديدة تحرك كتل الدم اللي تجمدت بعروقنا وشرايننا .
نصيرة أبدعت بالأيام اللي فاتت ونشرت أشياء حلوة وصدقوني الحكي عن الحب
بيخلينا نحب بجد والحكي عن الحزن بيحزنا بجد وانتو اختاروا شو حابين تحكوا .
وعروبة شو رأيك بالحديث مش سامعة صوتك يعني ... وفي واحد واحشنا جداً
مبطل مبين هون واسمه كنان شفتوه شيء ؟ اللي بيشوفه يقول له انه مطلوب
للسهرة على فنجان قهوة وكيك بدها تعمله سلوى هههههههههههه
وكمان عبدالله ضاربها طناش وما عم يشرب قهوة عنا وهو معاه حق طرح موضوع
جيد ولكن احنا للأسف ما تجاوبنا معه وعلى فكرة عبدالله انا كان عندي مشاكل
بالنت بس موضوعك على بالي وتعال اشرب قهوة ياللا
وبتعرفوا مين بدي أنادي ؟ بدي انادي الأستاذة هدى زمان ما شربنا معها قهوة
وبصراحة قعدتها حلوة وأحاديثها شيقة هلأ راح أحسب حسابها بالقهوة وابعث
أعزمها عشان تكون قعدة حلوة ونغير فيها جو
مين ضل ذكروني ؟
بتعرف رشيد بدي احكي لك سر عارف شو هو ؟
بيجي على بالي نصير نحكي لغة عربية فصحى واذا غلطنا انت بتصحح النا
بصراحة لازم نتعود ... مبطلة احب احكي بالعامية شو رأيك ؟؟؟؟؟؟؟
وعامرة احبتي بحسكم