بمناسبة بداية محاكمة منتظر الزيدى
جزمه نهاية الخدمة في قالب غنائي أداء:منتظر الزيدى
من جلد طبيعــــي..منقيها
لميع وتشـــوف وشك فيها
جوز جزمـة تحفــة ماتتقدر
تليق علــى دمــاغك أكتر
وعشـــــان كده جي بفكر
بكل عزمي أديــــك بيها
اليوم نويت أديك بالـــجوز
واخــد قراري ومش مهزوز
نويت وجيــت هنا من بدري
وكل أملى أوفى بنــــدري
وأطفــى نار جوه ف صدري
ضـــرب الجزم ما يطفيها
باى باى وســـلم ع الوالد
قوله التاريخ أصبح شــاهد
انك بقيت تحت الجزمـــة
وما تســاويش فردة جزمة
وان كان دا ح يسبب أزمـة
نخل العـــراق ما يوطيها
نخل العـــراق زى ماهوه
وكل يوم بـيزيد قــــوه
طول عمـره مرفوع الهامة
شامـخ فى عـزه وكـرامه
وان كان فـى بيتكم جزامـه
الجزمــه ليك اشبـع بيهـا
شعر: محمد العقاد