با حبك يا مصر 
******************
بحب الحب فيكى *** و أدوب فى رموش عنيكى
و السعد بين إيديكى *** فى الحر ضلة حلوة
*********************
الصبر شط نيلك *** والزرع بيناديلك
والشرب من سبيلك *** حنين فى القلب جوة
*****************
الشمس فيكى دافية *** والنسمة فيكى شافية
وحروف الحب صافية *** فى لسان الكل غنوة
**********************
حلو الشغل فى غيطانك *** والتكبير فى آزانك
و الضحكة من سنانك *** سنابل شايلة غلة
*************************
الأرض فيكى سمرة *** وخدود الورد حمرة
وفروع الكلمة خضرة *** ذى عيونك يا عبلة
************************
عنتر عاشق شبابك *** واقف مشتاق ببابك
نفسة يدخل رحابك *** ويفوز منك بقبلة
****************************** " تمت"