[ناجية عامر]

[align=center]

العشرة فيها صبري طال
و أنت علي و على أولادك ما تسال
غدرك يا الراجل باين و ظاهر
و عقلك معاي ما حاضر
ما تزيدش في شقاي و عذابي
خليني نغادر، خليني نغادر
ناسي كلام الله على المرا و الأولاد
و على الوالدين و صلة الرحم بالأحباب
دير في بالك أنك شي نهار تهاجر
هذه الدنيا و تسافر
لدار البقاء تسافر
معاك درت النية
راجع نفسك و شوف آش بغيت في
مرضت و تخليت علي
تعذبت ما سولت في
أنا ما عندي مصلحة فيك
و أنت مصلحتك في
ما فهمتش واش أنت هكذا
ولا شي حاجة مدوخاك على أولادك و علي
ما أنا لحلاحة، ما أنا سحارة
هذا من فضل الله علي
ما أنا غدارة ، ما أنا كذابة
هذه غريزة في
يا ربي شوف من حالي
قوي صبري و ما ضحك الناس في
حملتيني أكبر مسؤولية
نطلب من الله بولادي يعوض لي
ما بغيت منهم لا جاه و لا مال
غير حنانهم لي

[/align]