أحبائي
الله يسعد أوقاتكم
كيف يا فريال ما في قهوة ... يا حبيبتي القهوة هون على الرف اعملي واحسبي
حسابنا كلنا ... فريال اللي بيحضر على المجلس يعلق ركوة القهوة وبيحضرها على بين
ما نجتمع وهلأ هي القهوة جاهزة تعالي اشربي فنجان معي واحكي لي هلأ بالضبط ايمتى بدنا نفرح بنجاحك ؟
يعني ايمتى بتصيري توجيهي أو بكالوريا ما بعرف شو يعني بالمغرب المهم ايمتى بتخلصي المدرسة
وبتفوتي الجامعة وشو ناوية تدرسي يا فريال ؟
نرجع للحبوبة نصيرة ... يسلم ايديك على الفيديو ... بتعرفي نصيرة هذا الفقي بناتي بيموتوا عليه
بس انا بيوترني عارفة ليش ؟؟ بيضل يتحرك وأنا بفقد أعصابي ولكن بهذا الفيديو كان لذيذ ومهضوم
على كل حال كلامه حلو كتير وبناتي بيسموه قانون الإتجذاب لانه بيضل يتكلم عن قانون الإنجذاب .
بالنسبة لموضوع الجمال ..بيقولوا من كمل عينه وسنه كمل الجمال كله ... وبيقولوا الجمال جمال
الخلق والأطباع ... وبيقولوا ... وبيقولوا ... أنا شخصيا ً ما بحب أتخبى وراء اصبعي والجمال عندي
هو الجمال يعني يكون الولد حلو والبنت حلوة وبعدين بتيجي أية اضافات اخرى مثل مهضوم
ودمه خفيف وجذاب واخلاقه حلوة ومتفهم ومعشراني والخ ولكن الحلو حلو يعني حلوووووووووووووووو
وانا شخصيا الجمال عندي مهم بكل شيء مهم للبشر لازم يكونوا حلوين وللحيوانات والطيور والنباتات
والزينة وعفش البيت كل شيء بالحياة لازم يكون حلو لكن اللي انا بشوفه حلو مش بالضرورة
غيري يشوفه حلو ... هذه أمور نسبية بتختلف حسب الأذواق وحسب التفكير وحسب الثقافة يعني
بالماضي على ايام ستي كانوا يحبوا البنت السمينة والبنت النحيفة يعتبروها شيء مش حلو ... اليوم الوضع
كتير اختلف والشاب بيدور على البنت الممشوقة ... كمان زمان كان منتشر فكرة انه البنت البيضاء والشقراء
والطويلة هي الأجمل ... اليوم اختلفت الفكرة فالناس صارت تنجذب لجمال السمروات ومتوسطات الطول
وحتى الفتيات القصيرات وما عادت مشكلة ... بالتالي حتى مقاييس الجمال بتختلف من زمن لزمن
ومن بلد لبلد واحكي لكم نكتة ... في الي قريب سافر على امريكا وكان عنده ولد اسمراني مع انه
عائلة البشيتي مشهورة بالبياض والشقار لكن اهو الولد هذا طلع اسمر ... بعد كم من يوم رفض
الولد يروح على المدرسة ليش ؟؟؟؟؟؟؟ قال كل الأولاد جداد الا هو عتيق ........
هذه وجهة نظر طفل وكيف بيشوف الجمال .
طولت عليكم وان شاء الله ما نظرت كتير
وعامر بحسكم