فداك ألف مكنسة
الأب كان مسافر ولما رجع لقى ابنه مستنيه في المطار
الأب : ايه أحوال البيت وأنا مسافر؟
الابن : كل حاجه ميه ميه متقلقش بس حصل حاجه بسيطه
الأب : حصل ايه؟؟
الابن : عصايه المكنسة اتكسرت
الأب : بس كده ولا يهمك بس ايه اللي كسرها
الابن : أنت عارف ان البقرة لووقعت على حاجه بتكسرها
الاب : أنت تقصد بقرتنا؟
الابن : آه
الأب : ايه اللى حصل؟
الابن : كانت بتهرب وهية خايفة فوقعت على عصاية المكنسة كسرتها
الأب : المهم البقرة حصلها حاجة
الابن : ماتت...
الأب : يا لهووووووى... ماتت!!!! وهى كانت بتجرى خايفة من ايه
الابن : لا دي كانت بتهرب من الحريقة
الأب : حريقة!! حريقة ايه؟؟
الابن : لا مفيش أصل بيـتـنـا اتحرق
الاب : اتحرق!!! يالهووووى.... اتحرق من إيه ؟
الابن :أخويا الكبير الله يرحمه هو السبب
الاب : ايه؟؟؟؟ أخوك مات!!!!! ازااااااي ؟؟
الابن : كان بيشرب سيجارة وقعت حرقت البيت وهو جواه
الاب : يالهووووى!!!!!!!!! أخوك كان بيشرب سجاير؟؟؟
الابن : هو كان بيشرب سجاير علشان ينسى حزنه
الأب : حزنه على ايه؟؟؟؟
الابن : على أمى الله يرحمها
الاب : هية أمك كمان ماتت؟؟؟؟؟
الأب وقع من طوله ومات فوراً
الابن : بابا متعملش في نفسك كده يا حبيبي... فداك ألف مكنسة