[فؤاد حميدان]

وصاف المنضور

فوق ما تتصور فخيالك
وفوق ما يخطر لك فبالك
صورة مبهورة تحير الاذهان
وصفة منضورة تسلب الكيان
سبحان الخالق الديان
عندك سمة معروفة من زمان
ما بحالها قيمة
قليلة فالانسان
حسن وجمال ولطف و كمال
ما منو مثال
خلق و إحسان ، تقوى و إيمان
وحشمة وحنان
أوصاف مكمولة
و الكامل هو الله
أحوالك مشمولة بكل فن وجاه
باللي بيك تعلق كياني
ارحمني و ارحم وجداني
راني طايع
و شاري ماشي بايع
قلبي ضايع
عليك بحبه لايع
لفتة من عطفك و حنانك
تحيي روحي
وتخفف من عذابك
كلمة من فمك ولسانك
أمل يكسر شؤمي
بفقدانك
عفاك ألمرضي راضني
راني مرضي بحالك
سكاتك يكويني ويآذيني
وماشي من طبعك تجافيني
وفوق ما تتصور
قلبي بيك منور
وبنور بهاك تحول
يالله بينا
نبداو حبنا من الاول