[حسن الحاجبي]

جيناكم من كل ربوع
من أرض بلادنا المحضية
جينا فرادى جينا جموع
جينا نرددو أغنية
حاملين في يدينا شموع
جايبين ليكم هدية
***
يا محمد يا يسوع
خليتو لينا وصية
***
حبو بعض و سامحو بعض
نشرو مودة طول و عرض
قولو لا لا للكراهية
قولو لا للحقد و البغض
***
يا محمد يا يسوع
خليتو لينا وصية
***
عيشو خوت و كونو احباب
رفعو اصواتكم بالخطاب
فتحو للسلم الأبواب
قولو لا لا للإرهاب
***
يا محمد يا يسوع
خليتو لينا وصية
***
زرعو الصفا و الإحسان
نشرو الحب في كل مكان
احنا اولاد كل الأديان
خاوا على مر الأزمان
***
يا محمد يا يسوع
خليتو لينا وصية
***
حاربو العنف و التطرف
من المحبة صنعو دروع
قدمو إحسان ومعروف
هذا هو الدين المشروع
***
يا محمد يا يسوع
خليتو لينا وصية
***
احنا أحرار هاد العالم
جينا نقولو لكم كلام
بغينا نزيدو للقدام
بغينا نعيشو في سلام
و نحققو جميع الأحلام
***
نجمة وصليب و هلال
بلادي بلا د التسامح
أبناء الله بحال بحال
في أرض الطيبة والتسامح
أرض الوفا أرض الأغيار
ما فيها مكان للأشرار
استرها استرها يا ستار
بجاه كل نبي مختار


حسن الحاجبي