[ناهد شما]

ابطيني = يعني بياكل اكل ما شاء الله ولا هو داري عن حاله

اجنص = لنج =جديد
احلقلو = طنشو = ماتعبرهوش
ازعق عليه = نادي عليه
استروح = يعني عزم على المرواح
استشوار = هو السشوار تاع الشعر بس برواية أخرى
استفقده = يعني زمان ما شفته
استكبرها ولو عجرة = مصطلح يحث على شراء أو انتقاء الحجم الكبير من الأشياء بغض النظر عن جودته
استلبسو = يقال فلان استلبس فلان بمعنى قعد على قلبو ولزقلو غصبن عن اللي خلفو
استنا = انتظر
اشتلق = فعل أمر معناتو ارخي ودن
افتح مخك وطقطق دنيك = ركز معي الله لايسيئك
افكح = اجري بالعجل (بيكون حدا لاحقق)
اقلط الشارع = اقطع الشارع
البيارة = المزرعة
الجهاز = تطلق على جهاز الكمبيوتر
الحكورة = يعني المزرعة بس بلغة الناس العتق
الدالية = هي شجرة العنب ويقال طابخين ورق دوالي يعني عاملين ورق عنب على الأكل
الزغيرة = الزغنونة = صغيرة
الزنانة = وهي طائرة الاستطلاع الإسرائيلية
الشريطة = الفوطة لما تصير عتيقة وهي شقفة القماش اللي بيمسحو فيها
الفرشوحه = يعني سندويش الشاورما بالغزاوي القح وفي منها دبل يعني بتصي ب 8 شيكل
الكوربة = راس الشارع = لفة آخر الشارع
انطبشت = أكلت هواية في أي منطقة من الجسم وكثيراً ما تستخدم مع الرأس
انطمر = تعني أسكت أو إخرس
انفقس = حدث له ما لا يتوقع والمصدر منها فقسة

يتبع