الخروقــــــات المهنيــــــــــة
و ميزانية الدولة
غير التحق بالعمل
عاهد نفسه يعمل بجدية
جلس على الكرسي شوية
تفاجأ بالمحسوبية و الزبونية
و الرشوة و العنصرية
أعمدة الحقد و الكراهية
هذا الموظف المسكين
غريب و مظلوم
من حقه في الترقية محروم
حيث ما عندو حد
باب المسؤول في وجهه تسد
******
الراوي قال
زمان واش من زمان
فلانة من جهة فلان
تمشي ترتاح و تعيش فأمان
راتبها يوصلها واخا تهاجر
لكندا ولا للطاليان
******
و أنا المسكين الهبيل الدغري
نظل في المكتب من الصباح
حتى العشية
حيث عاهدت نفسي نخدم بجدية
شتا و برد و حر
ما نقولش أنا ما عندي زهر
المهم، ما نسرق ما نزور
نعيش بدراهم الحلال
حيث ما يدوم لا جاه و لا مال
******
واحد معاي في المكتب
لسمعها يتعجب
أنا في الترقية نتسنى
خذاها هو واخا عاد بدا
و بلا مستوى يا حسرا
غادي تقولوا كيف جرى
المحسوبية و الزبونية
و الملينات حتى هي
******
دازت عامين
دار لاباس و مشى فحالو
قلت مع راسي
ياك أنا بحالي بحالو
علاش المسؤولين عليه ما يسالوا
مولانا يا خالق الكون والخلق
كيف تدير تصدق
غير جات الميزانية
و بينهم بدات تتفرق
كل المسؤول جديد
يفرغ الصندوق في جيبو
و يعلق
و شكون لغادي يعتق
دراهم الشعب
الكل عندو فيها الحق