[ميساء البشيتي]

كنان

انت مدعو لشرب فنجان قهوة صباحي معي

لا تقول لي صلاة الجمعة بتأخريني .. بنتظرك بعد الصلاة

نصيرة

معقولة لينا بعمايلها هذه .. معقولة تعذبك .. عارفة يا نصيرة

أنا لما اخواتي بيجيهم اولاد جدد بأذن أنا في ودنيهم بس أذان مختلف

انا بهمس في اذنهم الصغيرة كيف يسمعوا كلامي انا بس ويسكتوا معي انا بس

عشان هيك بس اجي احملهم بيسكتوا على طول ... ابعثي لي لينا .. هههههههه

حبيبتي البوبيات مثل لينا عين الله تحميها بيستقطبوا الحسد استقطاب فبدك تديري بالك

وتضلي تقرأي عليها وعلى كل حال اول 4 شهور الأم ما بتعرف طعم النوم

بس لما يكبروا ويصيروا بسن بناتي الام بتبطل تعرف طعم النوم نهائيا

لذلك استمتعي مع لينا قد ما فيك لاحقة على كبرهم

أحبائي

مشروع التخرج شيت بنتي يعني ( شيت) تعني ما يخص وهو مشروع

جهاز للصم والبكم بحيث يحول الاشارات الى كلمات

هذا المشروع اشتركت فيه بنتي فداء خليل مع زميلتيها روان العمري

وشيخة عبدالله _ مو كتير متأكدة من اسم عائلة شيخة

الفكرة كانت لفداء واحتاجت وقت طويل حتى تقنع الكلية والفريق بها

سنة كاملة عمل متواصل على المشروع بين مد وجزر

اعصابي احترقت بالكامل ولكم ان تتخيلوا وضعهم هم قديه كان صعب بل هستيري

طبعا لا بد من ارفاق الفيديو والصور لكن لما يجهزوا .. هم هلأ مشغولين بالامتحانات

النهالئية اللي بتبدا يوم الأحد لكن اول ما يتوفر الفيديو والصور راح اطلعكم عليه

طبعا في البحرين اول مرة يطرق هذا الموضوع وأظن عالميا تاني مرة ممكن بريطانيا

عملته مش متأكدة .. في جهة هون بالبحرين مسؤولة عن الابداعات عرضت

وعبرت عن رغبتها بمتابعة المشروع ولكن كل هذا ممكن يتأجل لبعد الامتحانات

انا الفرحة شقت قلبي وزوجي ما تمالك نفسه انهمرت الدموع من عينيه لما

المشروع أقرته اللجنة وطبعا النتائج النهائية للمشروع يعني العلامات بتظهر

بعد الامتحانات النهائية لكن الاشارات كلها بتوحي بالرضى ان شاء الله

ولأنكم حبايبي حبيت اخبركم اول بأول عشان بعرف قديه بيهمكم هالشيء

وطبعا لي عودة إذنه تعالى

اللي بده يشرب القهوة معي انا هون