ســـــــــــــوق المقايصيــــــــــــــة
السّوقْ عَامْْر بِآلْْمْقايِْصِيَّة
ٱجْمٓعْ رَاسكْ
يَا داخْلْ لِلسٌوق بحُسْن نِيّة
ُردْ الَبَالْ لَجْنَابَكْ
و دُورْ وْرََاكْ و قُدََُّامَكْ
لَ يَجْرَى لَكْ مَا جْرى لِيَّا
يْكَشْطُوكْ وْ لَ تْكلَّمْتِ يْطَبْعُوكْ
نَحْكِي لَََكْ عْلى نْهِاري
وْ مَا وْقَََََََََعْ لِيَّا
دْخَلْتْ لِلسّوق بْفْلُوسِي نَتْقدََّْى
وَاحْد مَنْ الخُّْوتْ عْلِيَِّا تْعَدَّى
الجَنْوِيَّة بْحَالْ السِّيف
ظَاهْرْ عْلِيه ما فِيه رَحْمَة
سْرَقْ لِيَا كُلْ مَا عَنْدِي
وُ مَا ْقُلْت حَتّْى كلْمَة
غِيرْ تْفُوَّهْتْ،
قَّطَّعْ من جَلْْدي لََحْمَة
طْبَعْنِي و صَْبحَاتْ فِيَا الحَشْمَة
كَأنَِّي مَنْ الخُّْوتْ
وُ مْعَاهْْم فِي كَفَّة وَحَْدَة
وُ أنَا أَصْْلاً مِنْهمْ
نْخَافْ و نْمُوتْ
مََنْ ذَاكْ اليُوم
بَعَّدْتْ عَلْ السّوق
وآصْبَحْتْ نَتْقَدَّى
مَنْ عَنْد الكْرَارْسِيَّة
وَخّا يْزِيدُو فْ الكِيلُو دَرْهَمْ
وَ مَا نَْتْعَاشَْرْ مْعَ ذُُوكْ المْقَايْصِيَّة
آجْمَعْ رَاسَكْ
يا دَاخَلْ لِلسُُّوقْ بْحُسْن نِيَّة
رُدْ البَالَْ لَجْنَابَكْ
لَ يَوْقَعْ لَكْ مَا وْقَعْ لِيَّا
شرح الكلمات
المقايصية : اللصوص
الكرارسية : الباعة المتجولون
يكشطوك : يسرقوك
يطبعوك : يترك اللص علامة جرح في جسم الضحية
ناجية عامر