كن راجــــل و لا تكن هبيـــل
آش هاذ الرخوة ألهبيل
وزن كلامك وكن ثقيل
الكلام المنغوم كلُّو حكمة
حروفو واضحة ما تحتاج كَتْمَة
قاصدة كل مريض عليل
بالحب
يبات ساهر
يْعَدّْ نجوم الليل
يبكي و دموعو كيف الشتا
على خدودو تسيل
واش الغارق ف سفينة الحب
هكذا يجرى ليه
مَلِّي يهجروا المحبوب
تَسْوادْ الدنيا في عينيه
ما ياكل ما يشرب
ما يْحلِّي ِليَّام عليه
غادي و جاي ف الطريق تالف
نادم على الحب المْصَادْف
فتح ليه قلبو
فرش ليه ثوب الحْريرْ
ظَنُّو غادي ليه يْوالفْ
ملي قرر الفراق
بدا عليه يتلوى و يتساخف
لا سماحة ليه
هو الخاسر، هو الضريرْ
يبدا حياتو من الصفر
يتغطى بالحنبل
ويتفرش الحْصِيرْ