لقْوَامْ الحَڴــــارَة
خْسارَة يا دنْيا خْسارَة
فِينْمَا صَدِّيتْ نْصادْف
لقْوَامْ الحَڴارَة
المُوتْ ما فِيهَا رَشْوَة
مَا فيها حْزارَة
مَا فيها نَخْوَة
مَا فيها دْصَارَة
خْسارَة يا دنْيا خْسارَة
فِينْمَا صَدِّيتْ نْصادْف
لقْوَامْ الحَڴارَة
نَبْكِيوْا عْليهِمْ الّليلْ و النْهَارَا
هَايْمينْ في الدّنيا
يَجْنيوْا الشُّوكْ
وْ دْعاوِي القْوامْ المَهْدِيّة
وْ لِلدار الدّايْمَة
مَا جَايْبِينْ آخْبارَا
نْتِ يا ذِيكْ الجَارَة
رَجّْعِي لْسَانكْ
خَلِّي عَنْدكْ كْلامَكْ
عَرْفِي مَقْدارَكْ
لا تْكونِي مَشْرارَة
الدنيا فايْتَة
كون كانت تَدومْ
ما تَدورْشْ لِيّامْ
يُومْ فِيه تَهنّيني
و يُومْ فِيه نْهنّيكْ
يُومْ فِيه تْواسِيني
و يُومْ فِيه نْواسِيكْ
خْسارَة يا دنْيا خْسارَة
فِينْمَا صَدِّيتْ نْصادْف
لقْوَامْ الحَڴارَة
الجُورَة و الأُخُوََّة
وَلاتْ بِالطّمْعِيّة
نْتِ يا ذِيكْ الجَارَة
قُولي السّلاّمْ و رُدِّي التّحِيَّة
رَا حْنَا مْسَلْمينْ
مَاشِي نْصَارَى
يَا رَبِّي فْتَحْ لَبْصَارْ
و نَبَّهْ القْوامْ المَعْمِية