[ابراهيم خليل ابراهيم]

[frame="6 98"]
يا بلدنا فى الغُربة

قلبى على بابكْ

سايبه هناك .... عندك

صفحاية فى كتابك

للصُّحبة واللّمة

بينادى ويغنى

ويشد فى الهُمة

بحروف لعُشاقك

يا فاتحة أحضانك

تفديكى أروحنا ..

إحنا فدا ترابك

فى الشدة والمحنة

مجدك بيسعدنا ..

نصرك يفرّحنا

المولى يحميكى

ويهد أعدائك

ويقوّى فـ عزمك

ويشد بُنيانك

يا بلدنا فى الغُربة

قلبى على بابكْ

سايبه هناك .... عندك

صفحاية فى كتابك[/frame]