[ناجية عامر]

الطَّيْر رَبَّا الجْناوَحْ
طََارْ فْ السْمَا و زَادْ عَلاَّ
سَخْنتْ الشَمْس
شَعْلتْ العْوَافي
رْخَى الطّْيْر عْنَانو
و لْسَانو تْدَلَّى
مَهْمومْ و مَظْْيومْ
مَا لاَقِي مَسْبحْ فَاَشْ يْعومْ
يَبَرّْدْ فيه أعْصَابو
و للأرْ ض وَلَّى
لْقَى وَكْرو
فْ الشَّجْرة تْعَرَّّى
وَ وْرَاقْ خْريفو
فيه كَتْسَنَّى
تَغَطّيهْ و تَدفّيهْ
تَحْميه منْ بْرودَة
التلَّْفَة و الدَّورانْ
و العيشَة بْلاَ عَزَْ
بْلاَ شَانْ
عصْفورْتو الثَّانيَة
قَلْعاَتْ ليه الوْتَادْ
سَمْحاتْ ليهْ فْ الوْلاَدْ
و جَرَْدَاتو
و خَلاَّتو بْلاَ زَادْ
بَعدْ ما فْقَد ْالمَكَانَة و المَرْكزْ
رَغْمَتْ عْليه بَاشْ عْليها يَتْخَلَّى
رْجَعَْ لََعصْفورْتو اللولَى
طَالبْ منَْها السْماحَة
جيبو خَاوي
مَصْرانو زَاوي
مَا عنْدو بَاشْ
فيها يَتْهلَّى