|
مجدوب الحـــــــــال
مجدوب الحـــــــــال
فينك يا ذاك المجدوب
لا تخفي حالك
نطق و قول و حرك قدامك
اللمة جاية بالطبول و الغيوط
تكمد جراحك
تنسيك الهم
تذكرك بالخال و العم
بلياليك و أيامك
فينك يا ذاك المجدوب
لا تخفي حالك
فين البساطة و الشعبية
فين الأخوة و النية
فين الذبيحة، فين العتروس
فين الزميتة، فين المسوس
فينك يا ذاك المجدوب
لا تخفي حالك
نادي صلاحك
وقف الجدبة كيف زمان
ف شهر الميلود و ف شعبان
اطلق الجاوي و صلبان
و فاجي اهوالك
ذكرنا بأيام زمان
زمان الجلابة و العمامة
زمان الحايك و اللتام
زمان الحشمة
ما نديو هدرة
ما نجيبو كلام
فينك يا ذاك المجدوب
لا تخفي حالك
غير ليلة من ذوك الليالي
حرك فيها القرقاب و السنتير
يحضر الكبير و الصغير
يحضروا وجوه الخير
كل واحد يعبر على احساسو
فينك يا ذاك المجدوب
لا تخفي حالك
لا تنطق و تقول
كلشي راح مع ناسو
كلشي راح مع ناسو
نور الأدب (تعليقات الفيسبوك)
|