[نشأت عمر]

الصبح مطفي
والعشق مات فيا
وأنا بين قوسين القلق
حالة شرود
مشدود لحلمك مدي
عصافير
ونخل
وندي
ع الورد باح وابتدا
يرسم التراتيل
- الليل طويل جدا
وقت الالم والنوح
- البوح مدد
بيفرد المسافات للولد
طوق النجاة
صرخة حياة
نسمعها وقت اللقا
بتهز فينا العشق
نخل وغنا
.. ... ..
رسم الولد
ع المية دايرة وخشها
مسكت ايديه البنت ..
حست بالدفا
.. ... ..
العشق رحلة سفر ..
للموت
وأنت وانا
خايفين نعلي الغنا
لنموت