[ناجية عامر]

الله الله على دنيا
سرحت عيني ف هاذ الدنيا
جبرتها فران يطيب
القلوب المهمومة
العايش فيها بخير
حروفو مخدومة
كيف هنا كيف ليه
المظيوم حاس
بروحو مظلومة
الساكت على الحق
فعايلو مكتومة
شكون يحرك المجمع
و يدك و تاد و لد المحرومة
يوقف الخيمة بحال الناس
لي هما ناس و يخرج
من سوايعو المشؤومة
و تعود حياتو معلومة
شكون يضرب الفكد ف القطيع
و يسد منابع المياه المسمومة
يا اللايم لا تلوم
ف لي حياتو معدومة
ف لي يخدم العطش
بالنية و ما يغش
ف لي يزرع النبتة و ما تطلعش
نفسو مقبوضة و روحو مكلومة